aug 31

Fellestur til Juvasstøl sundag 6. september

Juvasstøl før oppdemninga i 1960.

Juvasstøl før oppdemninga i 1960.

Fyrstkomande sundag, 6. september, tek Åseral sogelag og slektningar frå Juvasstøl regien og inviterar til kulturhistorisk vandring til Juvasstøl. Inger Juvastøl, som i juni slapp familieskriftet «Juvasstøl – ein heiegard i Åseral», blir med på turen og vil fortelja.

Skriftet får du kjøpt på Minne. Her finn du og meir av historia rundt oppdemminga av Juvatn og historia bak.

Oppmøte ved Juvassdammen kl. 11:00.
Me går over dammen og rundt stranda fram til Juvasstølgarden. Alle skal ha høve til å vera med den dagen, så det er lagt til rette med båtskyss for dei som ikkje greier å gå så langt. Tak med nistemat og drikke.

 

Permalenke til denne artikkelen: http://minnekultursenter.no/fellestur-til-juvasstol-sundag-6-september/

aug 25

Forfattarvitjing med Britt Karin Larsen

bklOnsdag 2. september kjem forfattar Britt Karin Larsen til onsdagsklubben på Minne, kl. 13:00.

Her vil ho fortelje om sine to store bokseriar, om folket på Finnskogen og trilogien om romanifolket. Britt Karin Larsen skriv leikande lett om menneske, relasjonar, familieband og generasjonsløp, bygdedyret, tru, vantru og overtru, og ikkje minst forhold til naturen. Naturen som gir glede, trøyst og nærleik, og formar oss som menneskje.

Gled deg til forfattarprat med ein forfattar med omsyn for dei gløymde og bortgjøymde i samfunnet.

Vel møtt!

Permalenke til denne artikkelen: http://minnekultursenter.no/forfattarvitjing-med-britt-karin-larsen/

aug 19

Fellestur til fjellslottet Lordehytta

Lordehytta i ÅseralFørstkomande sundag, 23. august blir det felles naturhistorisk vandring til fjellslottet Lordehytta på vestheia i Åseral.

Oppmøte kl. 8:30 på P-plassen ved Røysland, ca. 6 km nord for Kyrkjebygd sentrum, mot Ljosland.

Turen er krevjande og går i ulendt terreng med ein del myr. Godt fottøy er høgst nødvendig. Merk og at turen blir avlyst ved tett tåke.

 

På Minne finn du meir informasjon om hytta og familien Salvesen som fekk hytta bygd i 1912. Heftet som vart gjeven ut i samband med jubileet i 2012, kan du kjøpe med deg.

Meir informasjon om turen og andre turar i Vest-Agder finn du i katalogen her!

Me gler oss til tur!

 

Permalenke til denne artikkelen: http://minnekultursenter.no/naturlos-til-fjellslottet-lordehytta/

aug 13

Vandring i krigshistoria

Tur til krigsminnet på Snøheia

Tur til krigsminnet på Snøheia Foto: Harald Solås

Sundag 9. august gjekk det felles kulturhistorisk Naturlos-tur til krigsminnet på Snøheia, ved Reiersdal i Åseral.

Dette og fleire arrangement markerar at det i år er 70 år sidan krigen tok slutt. Seinare i haust blir det utstilling, markering og framsyning av dokumentar på Minne, for å løfte fram historia og visa fram nye, ukjende sider av hendingane.

2. verdskrig har allereie ein rik plass i den faste kulturhistoriske utstillinga på Minne, og er vel verd eit besøk. Elles ynskjer me deg velkomen til markeringa i haust, og ta gjerne ein titt på Naturlos-katalogen for fleire kulturhistoriske vandringar i haust!

 

Permalenke til denne artikkelen: http://minnekultursenter.no/vandring-i-krigshistoria/

aug 06

Seinsommar på Minne

Panorama11Bygdeutstillinga er over for i år, og alle me på Minne som har møtt dykk i år, vil takke hjarteleg for besøket. Det er ei fantastisk oppleving å møte så mange postive gjestar år for år. Me takkar og for alle innspel me har fått, og ynksjer dykk alle ein inspirerande seinsommar.

Sjølv om Bygdeutstillinga er over, er ikkje huset tomt av den grunn. Tradisjonskunstutsalet er ope, me syner filmane «Åseralsfilmen» (2010) og «Frå plog til harpun» (2014). Sistnemnde ein dokumentar om kvalfangarane frå Åseral. Me har og ein fast lokal/regional-historisk utstilling, og utstillinga «Augandzi – Agder i Trollspegelen». Ei arkeologisk utstilling basert på funn frå folkevandringstida (ca. 400-570 e.kr.).

Frå og med 3. august held me ope onsdag-fredag kl. 10:00-16:00. Du får kjøpt enkel varm mat og kaker i kafeen, og sjølvsagt kaffe/te. Vonar du tek turen til oss – me er berre ein kort busstur unna Kristiansand.

Velkomen!

 

Permalenke til denne artikkelen: http://minnekultursenter.no/seinsommar-pa-minne/

jul 07

Åseral internasjonale matfestival

Vikingaktivitetar med 4. klLaurdag 11. juli arrangerast Åseral internasjonale matfestival igjen i Kyrkjebygd. Her blir det konsert med Jan Engervik og Myrull, bornas kokkeskule, vikingaktivitetar, mat frå ulike verdsdelar, servering i lavvo og folkefest på kvelden. Velkomen til matfest i Åseral!

Program finn du her: matfestival_plakat2015

 

Permalenke til denne artikkelen: http://minnekultursenter.no/aseral-internasjonale-matfestival/

Side 1 av 1212345...10...Siste »